D8

నీతో కలిసుండాలంటే నేను మారాలని నువ్వంటున్నావు,
నన్ను కావాలనుకొనే వాళ్ళతో నాలాగే వుండాలని నేను కోరుకుంటున్నాను.

D7

నువ్వంటే అబ్బాయిలు పడిచస్తారనే మాట నిజమే కావచ్చు
పడిచచ్చేంత అందం నీదైనా నాతో కలిసి బతికేంత వ్యక్తిత్వం నీకు లేదు.

D6

నిన్నటి నీ బాధ రేపటి నా ఆలోచనతో నేడు మనకి చోటేది
నేడుంటే అది నిన్నని నిజం నీకు తెలుసు రేపసలేముందో ఎవరికి తెలుసు

D5

నా వాళ్ళెవరు లేనప్పుడు ఒక్కడిగానే బ్రతకడం తెలుసు
ఇపుడు నా అన్నవాళ్ళు నేనొక్కడినే అంటే మొదటిసారి ఒంటరితనమంటే తెలుస్తుంది

D4

నేను నీకు నచ్చలేదంటే చాలా బాధనిపించింది
నాకు నేను నచ్చిన తర్వాత నీకసలు అదృష్టమే లేదనిపించింది.

D3

నమ్మకం అంటే నవ్వుతూ వున్నప్పుడు నీతో వున్నానని చెప్పేది కాదు
నలుగురిలో నవ్వుల పాలైనా నువ్వు నాతో వున్నావనిపించేది.

D2

నేననుకున్నది ఇప్పటికిప్పుడు జరగకపోవచ్చు కాని ఇప్పుడు జరిగే ప్రతీది ఎప్పుడో ఒకప్పుడు నే కోరుకున్నదే !!