చూపులు కలిసిన ప్రేమ మనసులు కలిసిన ప్రేమ

నీ నడకలోని హొయలకు కాదు ఆ నడవడికలోని సొగసులకు నా మనసు జోహార్లు
నీ పెదాల అందాలు కాదు అవి పలికే పదాలు మదిని మాయచేసే మాటల మంత్రాలు
నీ కంటి మెరుపులు కాదు అవి నింపుకున్న అనురాగాలు మేనిని చుట్టే వెన్నెల వెలుగులు
నీ చేతి స్పర్శలోని పులకరింత కాదు అవి అందించే సాయంలోని గొప్పతనం వెల కట్టలేనిది
నీ పాదాలు అలంకరించుకున్న రంగులకి కాదు అవి ఎంచుకున్న ఆదర్శాల అడుగులకి నేను దాసోహం

కాలంతో పాటు కరిగిపోయేది సొగసు, ఆ కాలం మట్టిలో కలిపేంతవరకు తిరుగులేనిది మనసు
అందుకేనేమో చూపులు కలిసిన ప్రేమ మనసులు కలిసిన ప్రేమ అని రెండు రకాల ప్రేమలు వింటుంటాం