జీవితం అందమైనది

ఒంటరి తలపున విరహానివై, జంట వీడని సరసానివై 
అమ్మ మాటల గారడీవై, నాన్న కధల కితాబువై 
పసిపాప కేరింతల బొమ్మవై, బామ్మ అనుభవాల ఆనవాలివై 
కవి మదిలో యోచనవై, మది ఆలోచనల కవితవై
హాయిరాగాల భావానివై, కూనిరాగాల శ్రావకుడివై
గుండె బరువు కరిగించే భాంధవమై, రేపు మరపించి నిద్రపుచ్చే జోలాలివై

నిన్ను చూస్తూ నీ చిరునవ్వుల చిరుగాలి నన్ను తడుముతూ అమ్మ వడిలో నా కనులు ఊహల లోకంలో విహరిస్తుంటే చెప్పాలనిపించే మాట,
చందమామ, జీవితం నీలాగే అందమైనదని మళ్లీ గుర్తుచేసావు